PROFESORES DE CATRO PATAS
O noso cole é unha caixa de sorpresas...este martes tivemos dous profesores novos...nada máis e nada menos que Barack e Kely, dous canciños de raza labrador, que coa súa dona Bianca (Gabinete Logros), realizaron unha xornada de Terapia Asistida con Animais cos nenos e nenas dende Ed. Infantil a 4º de Ed. Primaria .
Os nosos nenos e nenas puideron coñecer que é a Intervención Asistida con Animais (IAA) de primeira man, experimentado como son as intervencións nas que un animal é incorporado como parte do tratamento para persoas con ou sen diversidade funcional.
Estas terapias teñen o obxectivo directo de promover a melloría nas funcións físicas, sociais, emocionais e cognitivas das persoas, e os animais pasan a converterse así en axudantes ou “ co-terapeutas” en colaboración con psicólogos, educadores, logopedas,...
Comprobaron coma os animais son quen de facernos sentir mellor, de facernos sorrir, de mellorar a nosa inclusión na sociedade, a xestionar as nosas emocións e incluso a mellorar as nosas capacidades e competencias cognitivas, sociais, emocionais, físicas, condutuais.
Hoxe en día os animais son considerados coma seres vivos esenciais para favorecer que o ser humano acade un bo desenvolvemento integral, deixando atrás o uso de estes con fins negativos ou perxudiciais para eles.
Foi unha grande experiencia, que nos fixo sentir felices, queridos, respectados... e é que as súas miradas, xestos, posturas, xogos, risas, tan sinceiras... fannos sentir moi moi especiais a cada un de nós!!!.
Podedes ver a través do seguinte enlace do Faro de Vigo a nosa experiencia: Profesores a cuatro patas no Faro de Vigo
Podedes ver a través do seguinte enlace do Faro de Vigo a nosa experiencia: Profesores a cuatro patas no Faro de Vigo
MOITAS GRAZAS BARACK E KELY, XA FORMADES PARTE DA NOSA
GRAN FAMILIA INCLUSIVA!!
MOITAS GRAZAS BIANCA POR BRINDARNOS ESTA OPORTUNIDADE
DE APRENDIZAXE VIVENCIAL!!!!.
DE APRENDIZAXE VIVENCIAL!!!!.
No hay comentarios:
Publicar un comentario